За промовирање на објавите на премиерот Димитар Ковачевски и на неговата партија СДСМ се трошат огромни суми пари месечно на социјалните медиуми, Фејсбук, Инстаграм и други, покажува базата на реклами на компанијата Мета, во чија сопственост се овие социјални медиуми, анализира „Плусинфо“.

Само за лајк: Луѓе умираат оти нема пари за лекови, нема учебници, а Ковачевски за 100 дена потрошил 26.000 евра за реклами на Фејсбук

Преку оваа алатка може да се истражуваат, филтрираат и да се преземаат податоци за рекламите за социјални прашања, избори и политика, можат да се проверуваат вкупните трошоци на одредени огласувачи и податоци за трошење по географска локација.

Од профилот на премиерот Димитар Ковачевски во последниве три месеци се потрошени 18.680 евра за бустирање на неговите објави на Фејсбук, односно рекламирање на неговите содржини. Овие рекламирања ги нарачал и платил СДСМ.

Ковачевски за 1 ден потрошил 646 евра да се рекламира на Фејсбук

Само во последниов месец за промовирање објави од профилот на Ковачевски се потрошени 6.122 евра. За промовирање на содржини од профилот на неговата партија СДСМ за еден месец се потрошени 2.683 евра, а за последните три месеци 10.683 евра.

Целата анализа на „Плусинфо“



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.