Вистинските виновници не се зад решетки. Ова е главната грижа на роднините кои ги загубија своите најблиски во модуларната болница во Тетово, вечерта на 8 септември. Оние кои ги загубија своите најблиски во оваа трагедија, велат дека не се чувствуваат исполнети додека вистинските виновниците не ја добијат заслужената казна.

585 документи напишани на 5.455 страници ги покажуваат саботираните истраги и прикривањата на пропустите

Повеќе од 10 пати споменав дека за оваа трагедија има голем синџир на обвинети. Синоќа сведочеа оние новинари кои ја објавија веста. На тој начин ние изгоревме по втор пат. Во оваа држава секогаш се случуваат работи што не треба, ние како членови на семејството апелираме до институциите и судиите посериозно да го сфатат овој случај, да видат кој навистина треба да биде обвинет, а не како што заврши овде со 1 година и шест месеци условна казна. Од друга страна изгореа 14 лица. Како членови на семејството бараме од државата, од партиите во Владата за кои гласавме 25 години, посериозно да ја сфатат оваа работа и да не се повторуваат овие трагедии во Македонија, вели Мумин Исмаили за ТВ21.

Според Исмаили, во овој случај треба да бидат обвинети и луѓето кои ја изградиле и финансирале модуларната болница.

Неколку пати кажав дека обвинетите не се вистинските луѓе кои треба да бидат осудени за овој случај. Флорин Бесими, Артан Етеми и Бобан. Не велам дека тие немаат воопшто одговорност, бидејќи работеле во таа институција, но каде е министерот, поранешниот министер за здравство Венко Филипче. Градежна фирма Брако?, вели Мумин Исмаили.

Повеќе на ТВ21



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.