Шефот на држвата Стево Пендаровски го примил известувањето за депонираната оставка од претседателот на Владата Димитар Ковачевски, потврдија за МИА од Кабинетот на претседалот.

Претходно, претседателот на Владата Димитар Ковачевски денеска во законски предвидениот рок, ја депонираше оставката во Собранието на Република Македонија, и притоа имаше средба со претседателот на Собранието, Талат Џафери.

На средбата, како што соопштија од Владата, премиерот Ковачевски истакнал дека функцијата претседател на Влада ја извршувал одговорно и посветено, со должна почит кон граѓаните, водејќи се од определбата за обезбедување едно општество за сите, со еднакви права и еднакви одговорности.

-Премиерот Ковачевски, на средбата потенцирал дека ќе продолжи и понатаму да се залага за остварување на европската визија за Република Македонија бидејќи за нас нема друга опција, освен европскиот пат. Заеднички беше констатирана важноста на заложбите за реализирање на нашите европерспективи и обезбедување на сите предуслови за да се трасира нашата европска иднина, се наведува во соопштението.

Со поднесената оставка на премиерот Ковачевски, почнуваат процесите за формирање на техничка влада, која ќе создаде услови за одржување на фер и демократски претседателски и парламентарни избори.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.