Премиерот Димитар Ковачевски и вицепремиерот за евроинтеграции Бојан Маричиќ, во Минхен, остварија средба со премиерот на Република Хрватска, Андреј Пленковиќ. На средбата, премиерите разговараа за одличните билатерални односи, како и интензивниот политички дијалог и конструктивна соработка во сите сфери од заеднички интерес, соопшти владината прес-служба.Двајцата премиери констатираа дека како НАТО сојузници, Македонија и Хрватска се цврсто посветени на промовирање и споделување на заедничките вредности, одговорност кон НАТО и придонес во меѓународните мировни операции. Премиерите споделија заеднички ставови и приоритети во однос на состојбите на регионално и мултилатерално ниво, пред сè за стабилност и напредок на Регионот.Ковачевски му се заблагодари на Пленковиќ за цврстата и континуирана хрватска поддршка во евроинтегративниот процес на Македонија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.