Артан Груби за жал го покажа правото лице на оваа Влада. Груби со неговите изјави во врска со луксузирањето на денешното гостување на ТВ 24 само и потврди на јавноста зошто не е омилен помеѓу граѓаните. Наместо да пројавува симпатии кон оние што ја презентираат неговата фрустрирачка потреба за луксуз и надменост, може на пример да каже зошто при толку многу вработени информатичари ангажира други за ажурирање на веб сајтот за неколку илјадници евра? – стои во реакцијата на ВМРО-ДПМНЕ.

Груби денеска изјави дека зема плата од 70 000 денари и тоа е најниската плата што ја зема откако е влезен во политика.

Од ВМРО-ДПМНЕ велат:

Наместо да се обидува да биде интересен колку што не е, Груби може да одговори зошто се даваат 350.000 денари за перење автомобили, кога и самиот кажува дека нема многу возила во министерството? Дали можеби перат возила на трети лица за таа сума? За крај, навистина жалиме за капацитетот на Артан Груби, кој не му дозволува да сфати дека незначајните за него 1.000, 2.000 или 5.000 евра, се многу значајни за граѓаните, без разлика дали тоа се Македонци или Албанци, Турци или Роми. Тоа веќе го сфатија и албанците и членството на неговата матична ДУИ, па затоа воопшто не им е симпатичен на нив, бидејќи луксузот го чувствува само Артан Груби, а сиромаштијата сите граѓани на Република Македонија.

Груби: Мојата плата е 70 000 денари и и ова ми е најмала плата откако сум во политиката



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.