Градоначалниците на ВМРО-ДПМНЕ за два месеца реализирале десетина капитални проекти – нови градинки, нови училишта, нови улици и булевари, нови паркови и спортски игралишта, информира опозициската партија која освои мнизинство општини на локалните избори.

Започна со решавање на еден од најгорчливите проблеми на граѓаните во секоја општина, запрената легализација на дивоградби од претходната локална власт. Изминатава недела само во општина Битола се потпишани над 1000 решенија за легализација.

Коњановски: За месец и пол завршени над 1000 предмети за легализација на објекти на граѓаните во Битола

Во општина Илинден во завршна фаза е изградбата на новото основно училиште, кое ќе започне со работа од второто полугодие. Општина Свети Николе ќе започне со изградба на нова градинка.

Георгиевски: Целодневна настава и сензорна соба во новото училиште во Илинден

Започна реконструкцијата на основното училиште Кузман Јосифовски Питу во општина Кисела Вода, како и реконструкција на основното училиште Васил Главинов во Велес.

Ѓорѓиевски: Реконструкција и изградба на лифт за деца со посебни потреби во ООУ „Кузман Јосифовски Питу”

Во општина Бутел се поставени 40 интерактивни табли во основните училишта, започна и со изградба на неколку спортски игралишта во училиштата.

Костовски: Вложивме 10 милиони денари во основните училишта и 3 милиони денари во градинките во Бутел

Се поставуваат и нови сончеви  колектори во основните училишта и градинките во општина Аеродром, нови фекални и атмосферски канализации во општините Гази Баба, Кисела Вода, Кочани, Велес, како и водоводни линии во Кочани, Свети Николе, Штип.

Мицкоски и Муцунски на поставување на фотоволтаици во градинка и основно училиште

Општините во Градот Скопје, заедно со Градот Скопје исчистија над 120 диви депонии.

Арсовска најави чистење на дивите депонии до 31 јануари

После неколку години, повторно во функција ќе биде ставен, а воедно и реконструиран планинарскиот дом Копанки, во општина Битола.

„Копанки“ ќе се обновува со 2 милиони денари од буџетот на Општина Битола

Започна со реализација на нов локален пат кои ќе ги поврзе општините Ново Село и Босилево.

Промените и реализацијата на програмата започнаа во општините кои ги предводат градоначалниците на ВМРО-ДПМНЕ. Граѓаните се сведоци на новиот пристап кон функционирањето на општините. Градоначалниците, како и советничките групи на ВМРО-ДПМНЕ се во постојана комуникација со граѓаните, за да излезат во пресрет за  нивните проблеми и проекти.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.