Европскиот пат го блокираше СДС и Ковачевски, преземаа обврски, без да имаат можност да испорачаат, се вели во партиското соопштение на опозициската ВМРО-ДПМНЕ.

СДС и Ковачевски знаеја дека немаат 2/3 мнозинство во Собранието за промена на Уставот, и покрај тоа прифатија обврски за државата, тие беа свесни дека не можат да испорачаат, но свесно ја заглавија Македонија, само за да се сликаат еднаш и да кажат дека нешто направиле. СДС и Ковачевски немаат мандат за промена на Уставот, бидејќи граѓаните, ниту ним, ниту на било која друга политичка партија во парламентот не дале мандат за такво нешто. Не може да се носат стратешки одлуки за државата, кои ќе имаат национални последици, без за тоа да се праша народот. СДС и Ковачевски знаеја дека ќе ја донесат државата во ќорсокак. Зошто го направија тоа треба самите да кажат. Единствен излез се предвремени парламентарни избори, на кои доколку се уверени во исправноста на своите политики за промена на Уставот нека настапат со истите како главно изборно ветување. СДС знаат дека народот нема да ги поддржи и затоа и бегаат од избори, истакнуваат од ВМРО-ДПМНЕ.

Ковачевски нема каде веќе да се крие, и пратеници од неговата партија се за избори, единствена пречка е неговата суета и политичка кариера, која знае дека ќе заврши во 21 часот на денот на гласање, зошто ќе освои најмал број гласови кои СДС некогаш ги освоил, додаваат од опозициската партија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.