Шест и пол месеци откако на прва свечена и гламурозна церемонија започнаа со градба коридорите 8 и 10Д кај Гостивар – ниту еден метар нов асфалт. Ништо од најавите на Ковачевски дека со полна пареа ќе се градат автопатите на коридорите 8 и 10Д. Само сликање и изјави, а по завршување на церемонијата на локациите каде треба да се гради автопат, нема ниту една машина ниту еден работник. И од овој проект владата на ДУИ и СДС прави криминал со парите на граѓаните, се вели во денешното соопштение на ВМРО-ДПМНЕ.

Скандалозно е тоа што главен подизведувач на овие проекти се јавува фирмата Еуровиа, која е главен партиски донатор на ДУИ. За ДУИ и СДС нема ништо спорно со тоа што фирма која секоја година донира на сметката на Демократската унија за интеграција милиони евра, а добива пари од државата. Јасно е дека парите кои ќе ги земе Еуровиа директно ќе завршат на партиска сметка на ДУИ. Претходно истата оваа фирма доби директно тендер од МНР и Бујар Османи за трансформација на салата Борис Трајковски за одржување на настан.

Целосен молк од страна на Јавното обвинитество за овој скандал, молк и од антикорупциска комисија.

За многу скоро одговорност за секој криминал ќе има. Никој нема да биде амнестиран за секој криминален тендер и сторен криминал“, соопшти ВМРО-ДПМНЕ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.