Ќе дебатираме за интерпелацијата и ќе ги кажеме сите недоследности и забелешки за работењето на Гаши како претседател на Собранието, но од принципиелни причини нема да гласаме за негово разрешување, изјави Блерим Беџети од ДУИ пред почетокот на денешната собраниска седница.

Според Беџети, Гаши треба да им се извини на Албанците без разлика на нивната политичка провиниенција и да се повлече не само од претседател на Собранието, туку и од политичката сцена.

-По вчерашното интервју што кратко успеав да го следам, тој мислам дека треба да им се извини на Албанците без разлика на политичката провиниенција и не само од претседател на Собранието, туку треба да се повлече и од политичката сцена зашто такви гафови не се прават случајно. Изгледа вазалството оди до крајности и не сметаме дека е потребно веќе да дебатираме на таа тема, нагласи Беџети.

Фатмир Битиќи кусо кажа дека има спротивен став од СДСМ, а Венко Филипче, по ваквата изјава на Битиќи, прашан дали ќе гласа против интерпелацијата на Гаши, одговори дека партијата вчера го кажала ставот. Екс потпретседателот на Владата и пратнеик на СДСМ Фатмир Битиќи не се согласува со партискиот став за интерпелацијата за претседателот на Собранието.

Според Илире Даути, Европскиот фронт нема намера да биде дел од сценаријата на Левица и нема да гласа за интерпелацијата на Гаши.

На денешната собраниска седница прва точка на дневен ред треба да биде интерпелацијата на Гаши што ја поднесоа пратениците на Левица.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.