Денес, со почеток од 18 часот во МКЦ, сала Фросина ќе се одржи Отворена трибина „Глаголицата и кирилицата низ призмата на богатото македонско културно наследство и нивната примена“

Воведен збор: Елка Јачева-Улчар

Презентери: Лазе Трипков (глаголица), Ласко Џуровски (кирилица)

Во воведното излагање Елка Јачева –Улчар ќе се осврне врз глаголицата и кирилицата како две азбуки што егзистирале и егзистираат на наша почва од јазично-историски аспект. Лазе Трипков преку презентација посветена на глаголицата ќе ни ги прикаже глаголските букви низ сопствената визура и нивното симболичко значење. Ласко Џуровски, пак, на презентацијата на македонската кирилица ќе ни ги посочи предизвиците со кои се соочува таа во дигиталната ера и ќе ни понуди неколку решенија за нивно надминување.

Трибината кореспондира со изложбата „Македонска глаголица. Македонска кирилица“, која на 28 февруари се отвори во Галерија МКЦ.

Настанот ќе биде организиран со почитување на актуелните ковид-протокли.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.