Во галеријата „Метаноја“ во соработка со „Балканскиот институт за вера и култура“ ќе се отвори изложбата „Патина на љубовта“ на Синиша Новески, во четврток 15 февруари 2024 година од 19:00 часот на ул. Максим Горки бр. 19 во Скопје.
За изложбата д-р Коста Милков вели:
Скулпторот Синиша Новески со овој избор на дела за изложбата „Патина на љубовта“ зборува со уметнички јазик за животот и за љубовта како главен двигател. Соочувајќи се со неговите четиринаесет скулптури и „исчитувајќи“ го поттекстот на творештвото на Новески може да се заклучи дека тој го разбира животот како „патина на љубовта“, а неговиот уметнички израз е посветен на „претставување“ и толкување на оваа најголемо животно „таинство“.“
На изложбата ќе се обрати рецензентот д-р Коста Милков, директорката на Галерија „Метаноја“ м-р Нада Милкова и авторот на делата Синиша Новески.
Изложбата ќе трае до 6 март 2024.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.