Самостојната изложба на слики од Башким Меџити ќе биде отворена вечерва од 20 часот во галеријата во Куќата на Робевци.

Како што информираат организаторите, ќе бидат изложени 20-тина дела работени во последната година во техника акрил на платно.

Башким Меџити е роден на 16 јули 1965 година во Гостивар. Дипломирал на Факултетот за ликовна уметност во Приштина, каде што се стекнал и со звањето Магистер по сликарство.

Низ годините, Меџити имал повеќе самостојни изложби низ државава и надвор, од кои последната била лани во Центарот за култура „Трајко Прокопиев“ во Куманово.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.