Земјите од регионот ги замрзнуваат цените на горивата. По Хрватска на ваков чекор ,а со цел да се заштити животнит стандар на граѓаните во време на криза, се одлучи и Србија, каде ваквата мерка ќе важи во следните 30 дена со можност за продолжување. Па така во следните 4 недели Србите за литар наточен дизел ќе плаќаат 1,52 евра а за бензинот 1,45 евра. Во Хрватска пак цената на евросупер чини 1,51 евро, а литар дизел 1,50 евра. Во соседството, горивото е најефтиново Албанија и Косово. Во Косово дизелот и бензинот чинат  по 1 евро , додека во Албанија 95ката е 1,20 евра, а литар дизел е 1, 16 евра. За разлика од соседството, во МК  цените на горивата постојано растат, а надлежните не превземаат ништо.

Министерот за економија пред два дена, пак рече дека не можат да влијаат врз цената нафтата и нафтените деривати, бидејќи меѓународните берзи се тие кои ги одредуваат цените.

Од Регулаторна не сакаа да ја коментираат актуелната состојба, а од министерството за финансии не добивме одговор на прашањето дали државата ќе се откаже од некои приходи за да го запре поскапувањето на горивата и да ги заштити граѓаните од нови ценовни шокови.

Дека последните одамна се чувствуваат, минатито месец алармираа транспортерите. Се жалат дека се пред банкрот и бараат државата да ги следи примерите од регионот.

Според последната одлуката на Регулаторната комисија за енергетика, бензините поскапеа за денар и половина, а дизелот за 2 денари. Литар бензин  се продава за 81, односно 83 денари. Цената на дизелот е 73,5 денари.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.