Во текот на изминатиот период, како резултат на направените анализи на пазарот на електрична енергија, беше направена набавка на струја по поволни цени, кои му овозможуваат на АД ЕСМ намалување на трошоците на работа. Токму поради тоа, РЕК „Битола“ планирано работеше само со еден блок, известуваат од  АД „Електрани на Македонија“.

Оттаму појаснуваат дека поради пукната цевка, блокот со кој работеше РЕК „Битола“ испаднал од мрежа.

Електричната енергија е надоместена од сопствените производствени капацитети и не е направена никаква дополнителна набавка на хавариска струја и не е направен дебаланс на системот како што се шпекулира – велат од ЕСМ.

Од компанијата посочуваат дека согласно со планот за производство, се очекува до крајот на неделата да биде ставен во мрежа и вториот блок, додека се очекува на почетокот на следната недела сите три блока да бидат во мрежа, известуваат од ЕСМ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.