Запленети се четири златни алки вредни 586.224 денари со вкупна тежина од 77,5 грама, откако истите се пронајдени во женска чанта при детална контрола на патничко возило на граничен премин Богородица на влез во државата.

Од Царинската управа информираат дека патничката која патувала како совозач не ги пријавила алките кај царинските органи.

-Имено таа заедно со возачот и уште четири лица на влез во државата на прашањето дали имаат нешто да пријават одговориле дека немаат ништо. Против лицето е поднесена кривична пријава поради постоење основано сомнение за сторено кривично дело „криумчарење“ казниво по член 278 од кривичниот законик, се вели во соопштението на Царина.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.