Вчеравечер во 20 часот и 35 минути во СВР Тетово е пријавено убиството на маж, за кого според првичните информации од самото место се дознава дека бил на околу 40 години. Според првичната информација на СВР Тетово кон човекот било пукано додека бил во возило.

Во 20.35ч. во СВР Тетово е пријавено дека на ул.„Штипска“ едно лице кое било со возило „Мерцедес“ пукало кон возило „БМВ“ во кое било лицето со иницијали Р.Т., кое од добиените повреди починало. Полициски службеници од СВР Тетово преземаат интензивни мерки и активности за расчистување на случајот, информираше Фатмир Реџепи, портпарол на СВР Тетово.

Улицата „Штипска“ е затворена за сообраќај и се врши увид од полицијата.

Според информациите на ТВ21 Ова е продолжение на неодамнешното пукање кај тетовската болница.

Почина еден од повредените во пукањето пред болницата во Тетово, сите осомничени на слобода



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.