Во атарот на селото Бразда на половина пат кон спортскиот аеродром Стенковец стојат трагите од запалениот автомобил на монструмите кои ја убија четиринаесетгодишната Вања Ѓорчевска, објавува телевизија Телма.

До местото може да се стигне исклучиво по каллив земјен пат кој малкумина го знаат, дури и мештаните од Бразда не ја знаат точната локација.

На локалниот пат кон селото Бразда нема многу сообраќај и на две места има исклучување кое води кон локацијата каде што е оставен и запален автомобилот.

Ова е патот по кој се движат монструмите со „цитроенот“. Во багажникот е врзано и преплашено дете.

Планот веќе им е изјаловен и решени се да ги скријат трагите и повторно да ги окрвават веќе крвавите раце.

Признале, прво ја ликвидираат Вања каде околу 10 часот наутро, ја закопуваат, а потоа го носат возилото за да го запалат.

Според официјалните информации од истрагата, телото на четиринаесетгодишната Вања Ѓорчевска е закопано во близина на опожарениот автомобил, во полињата од атарот на селото Бразда, кон спортскиот аеродром Стенковец.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.