Големиот пожар над дебарското село Гари е ставен под контрола и нема опасност по ова и по околните села, изјави за МИА командирот на дебарската противпожарна бригада Џетан Мифтароски.

Со максимални напори на нашите пожарникари и вработените на подружницата ‘Стогово’ на ЈП ‘Национални шуми’ успеавме да ја отстраниме секоја можна опасност од проширување на пожарот, изјави командирот на ТППЕ Дебар.

Во гасењето на пожарот, како што додава Мифтароски, во извесна мера помогнал и краткотрајниот дожд кој иако не бил обилен, бил во прилог на гасењето на огнот.

Пожарот беснееше три дена и постоеше опасност да се прошири до селото Гари, а потоа и до селото Осој.

Опжарени се над 70 хектари. Првите два дена гореше сува трева и ситностеблеста шума, но денеска зафати и високостеблеста шума. Апелирам до граѓаните да бидат совесни и да ја почитуваат препораката за забрана на движење во шуми, апелира Мифтароски.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.