Пожар избувна во месноста Дебело поле во близина на охридската населба „Радојца Новичиќ“, северно од градот. Во пламен е трска и нискостеблести растенија.

На терен е интервенирано со четири возила и десет пожарникари од Територијалната противпожарна единица – Охрид. Пожарот е локализиран, противпожарните екипи дејствуваат по рабовите на пламенот за да се спречи негово ширење кон објекти во близината.

Според проценките, опожарена е површина од околу три илјади метри кадратни.

Причините за пожарот засега не се познати, но според пожарникарите најверојатно се работи за човечки фактор.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.