Пет паркирани автомобили изгореле синоќа во голем пожар во скопската населба Чаир, соопшти МВР.

„На 27.09.2022 во 03.55 часот во СВР Скопје било пријавено дека настанал пожар во пет патнички возила, од кои четири паркирани на ул.„Ѓоце Стојчевски” и едно паркирано на улицата „Лазо Москов”, и тоа: „Фолксваген Голф”, „Рено Меган”, „Рено Твинго”, „Ауди”, сите со скопски регистарски ознаки и патничко возило „Мерцедес” со британска национална ознака“, се вели во соопштението.

Пожарот бил изгаснат од екипа на Бригадата за противпожарна заштита Скопје, а повредени нема. На местото бил извршен увид, додаваат од полицијата.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.