МВР: Најверојатно починало девојче во опожарената цистерна

МВР ја потврди несреќата која се случила вечерва во населбата Илинден во Скопје. Малолетно девојче загинало во пожар на цистерна во складиште.

Според информациите од МВР, малолетни лица запалиле цистерна кај железничката станица во складиштето на Макпетрол. Децата, рекле дека на цистерната има малолетно женско лице и истото починало.

Случајот го пријавил скопјанецот С.К. Тој ги згрижил децата, за кои посочил дека го предизвикале пожарот.

„Двете малолетни деца се кај него дома и по обавениот разговор со децата, посочено е дека на цистерната најверојатно има малолетно женско лице и истото е починато. На лице место упатени полициски службеници за расчистување на случајот. Oва е првична информација спoред тоа како е пријавено. Повеќе детали ќе имаме подоцна“ соопшти МВР.

На лице место упатени полициски службеници за расчистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.