Македонката Наташа Соврановски, која на 2 септември беше пријавена за исчезната во Германија, е пронајдена мртва, а тамошната полиција истражува дали се работи за убиство.

Нејзиното тело е пронајдено минатиот понеделник во шумска област во Бад Тејнах – Завелштајн, кој се наоѓа во близина на градот Штутгард, информираат од германската полиција.

Во рамки на истрагата, осомничен за убиството е 45-годишен маж кој, како што наведува полицијта, имал лична врска со Соврановски. Тој е приведен и на него му е определена мерка притвор. Се сомничи за убиство од небрежност.

Полицијата ги повика сите оние кои биле сведоци или имаат информации во врска со исчезнувањето и смртта на Македонката да ги контактираат.

25-годишната девојка последен пат била видена на 2 септември во 20:15 часот во Бад Тејнах – Завелштајн, во близина на Штутгард. Од тогаш и се загуби секаква трага.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.