Големиот шумски пожар што избувна попладнево над Радовиш и навлезе во борова шума, се приближува до викенд населба, информираше директорот на Центарот за управување со кризи (ЦУК), Стојанче Ангелов.

Според него станува збор за пожар на околу седум километри од градот, а пожарникарите на ТППЕ Радовиш и локално население прават напори да ја пресечат линијата на огнот.

Пожарникарите се обидуваат со контра пожар да ги одбранат десетината куќи и викендичките кои се наоѓаат во неспоредна близина на пожарот, изјави Ангелов.

Гаснењето на пожарот ќе продолжи и во текот на ноќта.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.