Во раните утрински часови, во паркот наспроти плоштадот „Методија Андонов Ченто“ во Прилеп, 42 годишен прилепчанец бил пронајден мртов.

Во соопштението на СВР Битола стои дека безживотното тело на прилепчанецот било пронајдено вчера, во 06.58 часот, од Јавното комунално претпријатие „Комуналец“-Прилеп.

– Од комуналното претпријатие во полицијата било пријавено дека во паркот спроти Плоштадот „Методија Андонов Ченто“ во Прилеп бил пронајден починат Г.В.(42) од Прилеп. Лекар од Итната медицинска помош констатирал смрт-соопшти СВР Битола.

Оттаму додаваат дека по наредба на јавен обвинител телото на починатиот прилепчанец било дадено на обдукција.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.