Во голема акција на Европол во Хрватска е уапсен Башким Османи, братот на Чазим Османи, додека неговиот татко и сопруга се уапсени на Мајорка, каде наводно често престојувале, пишуваат медиумите. Шпанската полиција објави и видео од рација во вилата на ова семејство, во која се пронајдени вредни автомобили, многу пари и бројни сефови.

На полициската снимка која ја објавија шпанските медиуми се гледа како полицајци упаднаа во луксузна вила со базен.

Oперативци влегуваат во една величествена куќа, ја пребаруваат, па дури и сечат сефови со дупчалки. На видеото се гледа голема сума пари, но и плантажа со марихуана, која била во посебна просторија. Покрај тоа, во вилата биле пронајдени и неколку екстремно скапи автомобили – јавуваат шпанските медиуми.

Да потсетиме, браќата Ќазим, Бурим, Беким и Башки Османи беа под истрага на Европол во акцијата „Црн орел“. Според медиумите, познато е дека тие со години живеат во Германија, од каде што го прошириле својот бизнис во Шпанија, Белгија, Холандија и други европски земји.

Парите заработени со криминал, наводно, подолго време се инвестирани во недвижнини и казина, а во албанските медиуми се претставени како моќни бизнисмени, кои ја финансирале ОВК и активностите на поранешниот косовски претседател Ибрахим Ругова, пишува Економија онлајн.

Шпанските медиуми објавија дека Османи е осомничен за шверц на кокаин од Латинска Америка, кој продолжува да го дистрибуира низ Европа, а иако е уапсен во Хрватска, наскоро ќе биде екстрадиран во Шпанија.

Досега испрал 30 милиони евра: Уапсен најпознатиот „перач“ на пари од албнанската мафија

Според медиумите, уапсените внесувале кокаин од Јужна Америка, внесувајќи го преку различни европски пристаништа и организирале последователен транспорт со авиони, чамци, камиони и автомобили.

Шпанија и други европски земји исто така се искористени за перење пари од оваа нелегална трговија. Седиштето на групата било во Мајорка, а слични структури постоеле и во Германија и Хрватска, каде што исто така се переле пари. Членовите на групата често патувале во Дубаи, Мексико и Колумбија и комуницирале исклучиво преку шифрирани телефони.

Во акцијата истовремено учествуваа речиси 600 полицајци во Германија, Холандија, Италија, Хрватска, Велика Британија и Шпанија. Апсењето на Османи беше еден од главните приоритети на агентите на Европол. Според детали од истрагата, мрежата на османлискиот клан се занимава со шверц на големи количества кокаин во Европа од Јужна Америка преку различни европски пристаништа.

Откриени се над 30 милиони евра „испрани“ пари, како и недвижен имот на Мајорка, 86 слики во масло вредни пет милиони евра, седум луксузни автомобили, 16 луксузни часовници, 203.000 евра во готовина и 40.000 криптовалути.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.