Силите на НАТО ја добија својата прва воздухопловна база на Балканот. Домаќин на инаугуративната балканска воздушна база на Алијансата е Албанија, поточно градот Кучова, што се наоѓа во централниот дел од земјата, на околу 80 километри јужно од Тирана.

Градот Кучова, кој сега треба да биде централно место на Северноатлантската алијанса во регионот, од 1950 до 1990 година се викаше Сталин сити. На аеродромот, каде што свечено беше промовирана НАТО базата, долги години беа сместени кинески авиони, а сега ќе обезбеди логистичка поддршка за НАТО и ќе биде примарна тактичка воздушна база на Алијансата на Балканот.

Во базата веќе е распоредена доволна флота од беспилотни летала (некои се обезбедени од турски партнери), а на повидок е инсталирање на копнени противвоздушни ракетни системи. Во овој потфат силите на НАТО вложија околу 50 милиони евра, додека албанската влада одвои 5 милиони евра.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.