Тогаш кој е вториот во автомобилот? Мајката на Данка даде изјава по сведочењето на осомничениот Срѓан

Мајката на малата Данка, Ивана Илиќ даде коментар по изјавата на осомничениот Срѓан Јанковиќ(50) дека Данка не ја видел никогаш во животот.

Откако дозна дека Јанковиќ се бранел велејќи дека не направил ништо, мајката на малата Данка, Ивана Илиќ, проговори за Информер:

– Сега сум изненадена, не знам што да кажам! Тогаш кој беше вториот во автомобилот? Видов двајца луѓе во автомобилот на ридот. Ништо не ми е јасно…ако (Срѓан) не направил ништо, како што вели, зошто молчел два месеци? Под голем стрес сум – изјавила Ивана за Информер.

Сослушувањето на Срѓан Јанковиќ заврши околу 13 часот, по цели три часа.

Неговиот адвокат Живадин Богдановиќ по рочиштето изјави дека нема да дава никакви изјави за тоа.

– Не давам никакви изјави, ве молам разберете него и мене. Тоа што сега дава исказ откако молчеше е негово законско право, а што понатаму ќе одлучи обвинителот – рече адвокатот.

На претходниот распит, Јанковиќ се бранеше со молчење, односно го искористи законското право да не се брани, а потоа го смени адвокатот. Другиот обвинет Дејан Драгијевиќ призна дека со голи раце го задавил девојчето, но засега не кажува каде го преместил нејзиното тело.

Српската полиција се сомневаше дека локцијата ја знаат таткото на Дејан и неговиот брат Далибор кои исто така беа сослушани, а Далибор почина во притвор.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.