Грција утре ќе биде без бродски и железнички сообраќај, во прекин ќе биде и јавниот превоз во Атина, со исклучок на метрото и трамвајот што ќе работат неколку часа за да им се олеснат на граѓаните да учествуваат во протестот.

Во штрајкот учествуваат и синдикатите на вработените во државните болници, и во училиштата, како и студентски здруженија.

Штрајкот го закажа синдикатот на вработените во државниот сектор (АДЕДИ), соопштувајќи дека неколку часовниот прекин во работата за одбележување на Меѓународниот ден на жената, го претвораат во штрајк за сите заедно да побараат „да се стави крај на политиката на приватизацијата и да се додели вистинска одговорност за смртоносниот криминал кај Темпи“.

За утре напладне закажани се и протести, како во Атина, така и во останатите грчки градови.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.