Полицијата во Тирана ја приведе пејачката Руенца Хаџиај, позната како Енца, под сомнение за производство на наркотични растенија.

Финализирана е акцијата „Балкон“, која следуваше по добиени информации по оперативен пат. Припадниците на полициската станица бр. 1 ја приведоа Р.Х.(27) која на балконот во својот дом на периферијата на Тирана, одгледувала марихуана, соопшти полицијата.

Приведено е и момчето на Енца, а при контрола на домот пронајдени и одземени се пет саксии во кои имало засадено марихуана.

По апсењето пејачката изјавила дека е корисник и марихуаната ја одгледувала за лична употреба.

Таа живее во населбата „Луандер“ во периферијата на Тирана во приватна вила.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.