Полицијата денеска затвори дел од автопатот меѓу Атина и Патра поради обилните врнежи од дожд, јавува грчкиот информативен портал „Екатимерини“.

Затворена е лентата на новиот автопат кон Атина во регионот Елајонас. Стариот национален пат меѓу Атина и Патра беше затворен во двата правци во истото подрачје, додека сообраќајот беше пренасочен поради невремето.

Грчката железница „Хеленик воз“ ги суспендираше возовите на некои линии поради обилните врнежи од дожд и појавата на вода на шините.

Исто така, делумно откажани се и железничките линии меѓу станиците Патра и Агиос Андреас.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.