Нуркачи, полиција, граѓани се уште трагаат по Матеј Периш (27) од Сплит, кој исчезна ноќта на 30 декември.
На петтиот ден од потрагата по Матеј Периш (27) од Сплит, кому ноќта меѓу 30 и 31 декември во Белград му се губи секоја трага, во акцијата се вклучија и нуркачи од Жандармеријата и Управата за криминалистичка полиција.
Припадници на МВР цел ден го чешлаа шеталиштето Сава, местото каде камерите последен пат го забележаа движењето на исчезнатиот млад човек.
Нуркачи ја чешлаа реката
Другарите пријавиле дека Периш исчезнал додека одел во клубот „Готик“ во Бетон Хол, а последен пат го виделе околу 02.30 часот, но во понеделникот се појави снимка на која се гледа млад човек кој одговара на описот на сплиќанецот од 01.47 часот до 02.51 трча по улицата Караѓорѓева, па шеталиштето Травничка и Савска, се обидува да запре такси и на крајот се спушта по скалите во ледената Сава и почнува да плива. Наводно, пред да влезе во водата, младиот човек извесно време бил во напуштен хангар во близина.
Според српските медиуми причината за паничното трчање по околните улици е екстази таблетите што ги конзумирале во клубот од кои добил напад на паника и најверојатно влегол во реката.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.