Воените дејствија во Украина во моментов не претставуваат директна воена закана за Бугарија, но потребни се превентивни акции од институциите за ограничување на можните ризици за нашата национална безбедност. Ова беше заеднички став на учесниците на работната средба за преземање конкретни мерки во врска со воениот конфликт во Украина и последиците, што се одржа денеска во Претседателството.

Ова е веста на денот од Република Бугарија, избрана на Бугарската телеграфска агенција (БТА) за објавување од МИА, согласно Договорот за размена на информациии професионална соработка, кој предвидува секој ден националните информативни агенции на Македонија и Бугарија да разменуваат директно избрана од другата агенција вест на денот на соодветната земја, а другата агенција да ја објави на својот интернет сајт без промени со изрично посочување и цитирање на партнерот како извор. 

Подготвеноста на системот за национална безбедност да одговори на развојот на различни сценарија за кризата во Украина и да ги преземе неопходните мерки за заштита на безбедноста на бугарските граѓани беа меѓу главните точки на средбата. Се разговараше и за прашањето за обезбедување одржлива поддршка за нашите сонародници и украинските граѓани кои побараа засолниште во нашата земја од конфликтот во Украина.

На средбата присуствуваа премиерот Кирил Петков, претставници на Владата, началникот на одбраната адмирал Емил Ефтимов, главниот секретар на МВР главниот комесар Петар Тодоров, претседател на Државната агенција за државни резерви и воени резерви Николај Василев, претседател на Државната агенција за национална безбедност Пламен Тончев, директор на Воено разузнавачка служба бригадниот генерал Венелин Венев, директор на Генералната дирекција „Противпожарна безбедност и заштита на населението“ главен комесар Николај Николов.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.