Македонскиот првак Еурофарм Пелистер идниот вторник ќе ги дознае противниците во групната фаза во ракометната Лига на шампиони, откако Управниот одбор на ЕХФ ги комплетираше сите 16 учесници и ја закажа жрепката за новата сезона за 27 јуни.

Место во Лигата на шампиони од претходно обезбедија Еурофарм Пелистер, дански ГОГ, шпанска Барселона, француски ПСЖ, германските Кил и Магдебург, унгарски Веспрем, полски Киелце, Порто од Португалија и Целје од Словенија, а ЕХФ ги обзнани и преостанатите шест учесници.

Тоа се хрватски ППД Загреб, дански Алборг, француски Монпеље, унгарски Сегед, норвешки Колстад и Висла од Полска.

Жрепката е закажана за 27 овој месец во 11 часот. 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.