Македонската тенисерка Лина Ѓорческа го освои фјучерсот во Куршумлиска бања, откако денеска во финалето ја совлада Антонија Ружиќ од Хрватска со 2-0 во сетови (6-3, 6-3).

Ова е прва титула за Ѓорческа оваа година во нејзиното четврто финале. Претходно македонската тенисерка претрпе порази во финалните дуели на фјучерсите во Талин, Осиек и Куршумлиска бања.

Ѓорческа со денешниот триумф на турнирот во Србија ја освои 13. титула во поединечна конкуренција.

Последен пат триумфираше во ноември лани на фјучерс во Грција.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.