Австралиската министерка за внатрешни работи Карен Ендрјус изјави дека Новак Ѓоковиќ може да ја напушти Австралија кога сака.

Таа додаде дека австралиските служби ги проверуваат случаите на други тенисери кои биле пуштени во земјава врз основа на слични ослободувања од обврската за вакцинација како Ѓоковиќ.

Најдобриот тенисер во светот е во притвор за имигранти до понеделник, кога судот треба да се изјасни по неговата жалба на одлуката на сојузната влада да му ја укине визата.

Доколку одлуката биде потврдена, 33-годишниот тенисер ќе биде депортиран од Австралија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.