Легендарниот француски фудбалер Франк Рибери (39) објави дерка ќе се повлече од фудбалот. Како причина за таквата одлука, Французинот го наведе проблемот со коленото поради кој од август не настапува за неговиот тим Салернитана.

Рибери првично планираше да игра во својата петта деценија од животот, но сега тоа нема да биде можно.

Легендата на Баерн Минхен, за кого настапуваше од 2007 до 2019 година, со баварците освои девет титули во германскиот шампионат, како и трофејот во Лигата на шампионите.

Тој имаше 103 асистенции на 273 натпревари во Бундеслигата, а со Баерн освои и шест национални купови и клупско светско првенство.

Крилниот напаѓач од Баерн се пресели во Фиорентина, па во Салернитана, а во почетокот на кариерата настапуваше за Олимпик Марсеј, Галатасарај, Мец, Брест, Алес и Булоњ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.