Бразилецот ги изнервира навивачите со изјавата дека би сакал наскоро да се испроба во МЛС и дека поради големиот притисок ја губи волјата за фудбал. Однесувањето на Нејмар придонесува за ужасната атмосфера внатре во клубот и само се чека крајот на сезоната за да се исчисти соблекувалната. Даниел Риоло, новинар на француски „РМЦ“ тврди дека Нејмар е во лоша форма.

– Речиси не тренира, на тренинзи стигнува мизерно, на работ на пијанство. Така е, Нејмар е во духот на одмаздата против ПСЖ. Тотално раскина со клубот и соблекувалната – изјави Риоло.

Според него,нема шанси Бразилецот да остане во Париз.

– Навивачите на ПСЖ не ги интересира неговото лудило и неговиот документарец на Нетфликс. Мораме да му испечатиме чек и да го пуштиме да си оди. Нанесува голема штета на клубот. Пуштете го, го уништува ПСЖ – изјави новинарот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.