Франческо Флаки, на 46-годишна возраст доби шанса повторно да се почувствува како фудбалер. Напаѓачот настапи за Сиња, клуб од италијанската петта лига, со што стави крај на паузата по 12 години суспензија.

Во 2009 година, Италијанецот беше позитивен на кокаин, поради што ја доби 12-годишната казна според која не смееше професионално да се занимава со фудбал. Тоа за Флаки беше втора казна од ваков вид, откако во 2007 година исто така беше позитивен на кокаин, но тогаш доби две години суспензија.

Сепак, Флаки успеа да го дочека крајот на суспензијата и се врати на терените, иако малку подоцна од посакуваното.Toj требаше да дебитира кон средината на јануари, но сосотојбата со корона вирусот беше причина натпреварите од лигата каде што се натпреварува Сиња да бидат откажани.

Според „Газета дело Спорт“, враќањето на Флаки на терените предизвикало голем интерес кај публиката, па натпреварот го следеле повеќе од 700 навивачи, а претходно најдобра посетеност била помалку од половина од тоа. Притоа, на трибините имало голем број транспаренти, песни и скандирање за поддршка.

Овој ден ги поништува 12 годину неактивност поради суспензијата. Ова е моето повторно раѓање, но истовремено е доказ дека јас успеав да се реконструирам како човек – изјави Флаки по натпреварот.

Флаки, пред суспензијата настапуваше за Фиорентоина, Бреша и Сампдорија, каде што напаѓачот е дел од историјата на клубот и во моментов е третиот најдобар стрелец на клубот со 110 голови на 280 одиграни натпревари.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.