Македонската фудбалска репрезентација до 19 години ги загуби шансите за пласман на Европското првенство што ќе се одржи ова лето, откако загуби од Швајцарија со 2:0 во рамки на 2. коло во групата 7 во квалификациите во елитната рунда.

По стартниот пораз со идентични 2:0 од Украина, избраниците на селекторот Тони Јакимовски попладнево беа поразени и од Швајцарија и останаа без теоретски шанси за првото место во групата кое носи пласман на завршниот турнир од 15 до 28 јули во Cеверна Ирска.

Стрелци на головите за Швајцарија беа Пол Лигуе во 12 минута и Ромео Бенеј во 80 минута.

Македонските фудбалери елитните квалификации ќе ги заокружат во вторник против Латвија, која денеска, исто така, го претрпе вториот пораз и беше совладана од Украина со 3-0.

Украина и Швајцарија водат на табелата со 6 бодови, а Македонија и Латвија се без освоен бод.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.