Актуелниот италијански првак Интер нема намера да ги продава своите најголеми ѕвезди и одлучен е да го задржи Лаутаро Мартинез, и покрај интересот што за аргентинскиот напаѓач го покажуваат Арсенал, Манчестер Јунајтед, Тотенхем и Атлетико Мадрид.

За да ја одржи финансиската стабилност, Интер лани ги продаде Ромелу Лукаку и Ашраф Хакими за вкупно 183 милиони евра.

„Неро-азурите“ и оваа година ќе мораат да продаваат играчи со цел финансиите да им бидат во баланс, повеќе не сакаат да ги жртвуваат своите најголеми ѕвезди, пренесуваат денеска италијанските медиуми.

Според истите извори, Интер попрво ќе се одрече од своите растечки таленти, како Андреа Пинамонти и Мартин Сатриано.

Интер го проценува Пинамонти на 25 милиони евра, додека за услугите на Сатриано ќе бара 15 милиони евра.

Извор: МИА


Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.