На 29 март (петок), со почеток во 21 часот, во „Café Literatura“ во „Дајмонд мол“, ќе се одржи концертна промоција на вториот студиски албум на македонскиот џез-гитарист Ѓоко Грујовски.

Музичката содржина на овој албум претставува фузија од повеќе музички стилови, како џез, класика, свинг, би-боп итн. Жанрот на албумот може да се дефинира како амбиентален современ џез со меланхоличен призвук, каде што преовладуваат широки теми и импровизаторски соло-делници, отсвирени врз модална џез-хармонија.

Настапуваат:
Ѓоко Грујовски – гитара
Симеон Ангеловски – бас-гитара
Дамјан Грујо – тапани
Резервации на тел: 078/475-146

„Литература.мк“ во партнерство со радиото „Џез ФМ“ организираат низа музички настани, кои се одржуваат секој петок во „Café Literatura“ во „Дајмонд мол“.

Целта на овие концерти е на публиката да ѝ се овозможи квалитетно музичко искуство и да се поддржи развитокот на џез-културата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.