Дванаесеттиот албум на култниот рокенрол состав „Мугер Фугер“ наречен „Дом на змии и влекачи“ е спремен, па утре и задутре (11 и 12 март) ќе се одржи негова слушачка промоција во Скопје и Куманово.

Најпрво утре од 21 часот во „Ла Кања“ во Старата скопска чаршија, а ден потоа во истото време ќе биде промовиран и во „Кјуб“ во Куманово.

„Мугер Фугер“ е бенд од кој извира музичка одговорност за поттикнување напредна мисла и здрав разум. Сеад Хаџиќ-Сецко и дружината мисионерски обединуваат и активно се грижат за независниот прогресивен дух, па така нивните албуми досега вклучуваа различни музичари како Горан Трајкоски, Сашко Костов, Ади Имери, Мухамед Ибраими, Оливер Јосифовски, Ристо Солунчен, Мирко Попов, Огнен Атанасоски…



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.