Италијанската филмска ѕвезда Моника Вити почина на 90-годишна возраст. Веста за смртта на глумицата ја објави нејзиниот сопруг Роберто Русо.

Моника Вити е родена како Марија Лујза Чечарели во Рим на 3 ноември 1931 година. Пред неколку месеци наполни 90 години. Музата на режисерот-сценарист Микеланџело Антониони и кралица на италијанската комедија, заедно со Алберто Сорди, станаа симболи на италијанската кинематографија во 1960-тите.

Можеби најпознати нејзини улоги се токму оние во филмовите на Антониони – „Авантура“, „Ноќ“, „Затемнување“, „Црвената пустина“, „Мистеријата на Обервалд“… Имаше учество во 60-ина други филмови а својата кариера во глумата ја заврши 1992 година.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.