Турнејата „Ерас“ (The Eras Tour) на Тејлор Свифт и во 2024 година би требало да надмине милијарда долари приход. Откако лани ја надмина оваа сума, Свифт веќе е првиот уметник воопшто кој станал милијардер исклучиво преку својата музика.

Според пресметките на стручњаците, турнејата заработила над милијарда долари по првите 60 настапи. Свифт продава по 72.000 билети за концерт, во просек по цена од 239 долари, што значи приближно 17 милиони долари по настап. На тој начин, Тејлор има заработка околу 14,7 милиони долари за секој еден концерт.

Се проценува дека нејзината вкупна бруто заработка надминува две милијарди долари, но оваа бројка не ги вклучува трошоците за водење на турнејата.

Инаку, пејачката и нејзините соработници заработуваат и од продажба на маици, сувенири и сл., коишто се продаваат на мало, за просечна цена од 51 долар во САД (околу 46 евра) и 52 фунти во Велика Британија (61 евро).



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.