Се исплати да бидеш познат во светот. Еминентното списание „Форбс“ штотуку ја објави листата со десетте најплатени славни личности во светот во 2022 година.

Музичката икона Тејлор Свифт е единствената жена меѓу најплатените, во друштво на нејзините колеги Бед Бани, Стинг, „Ролинг стоунс“ и „Џенезис“.

Листата вклучува и имиња од филмаџии и телевизиски креатори, како динамичните двојки кои стојат позади ТВ-проектите „The Simpsons“ и „South Park“.

Најплатените забавувачи заедно „тежат“ околу 1,35 милијарди долари, само половина од тоа што го заработија најплатените 10 од минатата година, меѓу кои се најдоа Канје Вест, Џеј-Зи и Брус Спрингстин.

Еве ја листата на 10 најплатени за 2022 според Форбс:

1. „Џенезис“ (230 милиони долари)

Фронтменот на бендот Фил Колинс заедно со колегите од бендот, ги продадоа правата за дел од нивните песни на Конкорд Мјузик Груп, во септември 2022 за 300 милиони долари.

2.Стинг (210 милиони долари)

Стинг заедно со неговиот бенд Полис, продадоа дел од нивниот музички каталог на „Јуниверзал мјузик груп“ во 2022.

3. Тајлер Пери (175 милиони долари)

Актерот, режисер и продуцент е најбогатата личност на листата со лична заработка од 1 милијарда долари.

4. Треј Паркер и Мат Стоун (160 милиони долари)

Креаторите на „South Park“ оваа година заработија 160 милиони долари од договорот кој го потпишаа со Парамонт во 2021.

5. Џејмс Л. Брукс и Мет Грининг (105 милиони долари)

Креаторите на анимираната хит комедија “The Simpsons” заработија повеќе од 100 милиони минатата година.

6. Бред Пит (100 милиони долари)

Во 2022 година, добитникот на Оскар играше во „Bullet Train“, „Babylon“ и „The Lost City“.

7. „Ролинг стоунс“ (98 милиони долари)

Мик Џегер и Кит Ричардс од „Ролинг стоунс“ правеа повеќе од 8,5 милиони долари за една вечер на нивната Европска турнеа минатата година.

8. Џејмс Камерон (95 милиони долари)

Режисерот успеа да заработи најмалку 95 милиони од неговиот филм “Avatar: The Way of Water”

9. Тејлор Свифт (92 милиони долари)

Покрај огромниот успех на нејзиниот албум „Midnights“, поп-ѕвездата поголемиот дел од својата заработка ја должи на продажбата на дел од нејзиниот музички каталог изминатите години.

10. Бед Бани (88 милиони долари)

Порториканскиот рапер продаде повеќе од 400 милиони долари вредни влезници од неговите две турнеи „El Último Tour del Mundo“ и „The World’s Hottest Tour“.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.