Времето денеска ќе биде променливо облачно со сончеви периоди, а во попладневните часови ќе има повремен локален дожд и појава на грмежи. Ќе дува слаб до умерен ветер од југоисточен правец.

Максималната температура ќе биде во интервал од 17 до 22 степени.

Во Скопје ќе биде променливо облачно со сончеви периоди и со слаб до умерен ветер од југоисточен правец. Попладне во делови од Скопската Котлината ќе има услови за краткотраен дожд и ретки грмежи. Максималната температура ќе достигне до 21 степен.

Утре ќе преовладува претежно облачно време со врнежи од дожд, кои ќе започнат во западните делови, каде ќе бидат и пообилни, а во текот на денот ќе се прошират насекаде низ државата. Ќе дува умерен до засилен ветер од југоисточен правец. Потоа во следните два дена во попладневните часови ќе има локални врнежи од дожд и појава на грмежи. Дневните температури од петок ќе бидат во пораст.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.