Намалена видливост поради магла на патот Маврово – Маврови Анови и на превоите Стража, Ѓавато и Плетвар

Намалена видливост поради појава на магла од 10 – 15метри има на патниот правец крак Маврово – Маврови Анови, од 50 – 100 метри на планинските превои Стража и Ѓавато и од 20 – 30 метри на планинскиот превој Плетвар.

Од АМСМ информираат дека сообраќајот на државните патишта се одвива по наместа влажни коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

Поради изведување работи на експресниот пат од Градско до Дреново, делница Велес – Неготино, во примена е времен режим на сообраќај во двата правци на автопат Е-75. Сообраќајот ќе се одвива непречено, со брзина од V=80km/h во зона на градилиште. Режимот ќе се применува се до целосна изградба на новата клучка Градско.

Поради зголемено ниво на вода на реката Радика, од 16 декември урнат е мостот кој води кон селата Нистрово, Бибај, Тануше, Грекај и Нивиште (општина Маврово и Ростуше), поради што сообраќајот е во прекин.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.