Вечерва околу 20 часот Струмица ја зафати силно краткотрајно невреме проследено со обилен дожд, град, мраз и силни електрични празнења.

Според информациите од ТППЕ Струмица, чии екипи се излезени на терен, досега интервенирале на десетина локации од каде отстранувале наноси од град и мраз и празнеле вода од дворови и подруми.

-На улицата „Браќа Минкови“ имаше 30 сантиметри мраз и град, на улицата „Вардарска“ имаше вода, но веќе е повлечена. Имама пријава и за едно запалено електрично броило. Имаме екипи со две возила на терен кои интервенираат по повик на граѓаните. Засега нема пријавени други штети, изјави командирот на ТППЕ Струмица, Александар Гудев.

И екипи на струмичкото комунално претпријатие се излезени на терен и според информациите оттаму надојдената вода се повлекува, откако по првиот бран атмосферската канализација не можела да ја прифати

Во Струмица вода на улица: Силно невреме го зафати градот



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.