Поради планирани технички интервенции во електродистрибутивната мрежа на ЕВН денеска без електрична енергија ќе бидат корисниците од повеќе насели места во Скопје.

Во период од 05,00 до 12,00 часот без струја ќе бидат населениете места Студеничани и Моране во општина Студеничани, потоа Орешани, Таор, Ново Село, Пакошево, Гумалево, Тисовица, Смесница, Дејковец, Добрино, сите во општина Зелениково, вклучително и објектите на ЖТП Јане Сандански и ЖТП Зелениково, информираат од РЦУК.

Од 09,40 часот до 15,00 часот прекин во снабдувањето со електрична енергија ќе имаат дел од корисниците во село Кучково, село Грачани и караула Чашка во општина Ѓорче Петров, а во период од 08,00 до 09,00 часот дел од село Крушопек во општина Сарај.

Од РЦУК информираат и дека поради водоводен приклучок од ф 80мм на ул „Лазар Поп Трајков“ бр 32, без водоснабдување ќе останат корисниците од оваа улица лоцирана во општина Гази Баба. Водоснабдувањето ќе биде прекинато од 08:30 часот до завршување на интервенцијата. 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.