Превкусен и лесен колач што сигурно постојано ќе го правите

Одличен е за летниот период, бидејќи не се готви и не се пече. Овој кремлив колач со мелени бисквити ќе го воодушеви целото семејство. Брзо и лесно се приготвува, а вкусот навистина е феноменален.

Се состои од два слоја, а одозгора можете да го украсите со шлаг и декорација по избор. Можете да се поиграте со некое зрнесто овошје, но превкусен е и според оригиналниот рецепт.

Состојки:

За долниот слој:

300 г мелени бисквити
100 г шеќер во прав
100 г путер
200 мл млеко

За горниот слој:

100 г шлаг во прав
200 мл млеко
400 г кисела павлака со 20% масленост
300 г мелени бисквити
шеќер во прав, по желба

Приготвување:
Изматете путер со шеќер во прав, додајте мелени бисквити и повторно изматете малку. Потоа, додајте млеко и соединете го сето тоа. Смесата треба да биде густа.

Во плех со димензии 30х20 см, ставете ја целата смеса за кората, насекаде по малку, и потоа распоредете ја еднакво со шпатула.

Изматете шлаг со млеко, додајте кисела павлака и шеќер по желба и изматете. Потоа, додајте мелени бисквити и измешајте. Оваа смеса треба да биде поретка за да може да се мачка. Доколку не е, додајте малку млеко.

Додајте шлаг по желба и оставете добро да се олади. Добар апетит!

Извор: Убавина и здравје


Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.